Aqtóbede alǵash ret ashyq balalar vokaldyq festıval-konkýrsy ótedi.
Aqtóbe oblysynda 2018 jyl Bala jyly dep jarııalanǵan. Osyǵan oraı oblys ákimdigi óskeleń urpaqty shyǵarmashylyq damytý maqsatynda birqatar is-sharadan turatyn arnaıy «Baqytty bala» jobasyn ázirledi.
Joba «Rýhanı jańǵyrý», «Týǵan jerge taǵzym» memlekettik baǵdarlamalary aıasynda iske asyrylyp otyr. Konkýrstyń qorytyndy keshi 1-2 maýsym kúnderi ótedi.
«Baqytty bala-2018» konkýrsynda órender estradalyq ánder shyrqamaq, al oǵan 10 jastan 15 jasqa deıingi talanttar qatysady. Baıqaýdyń sharty boıynsha qazaq tilindegi bir ándi (onyń ishinde ózi jazyp shyǵarǵanyn da) jeke oryndaǵannan keıin, dúnıejúzilik hıtterdiń birin tańdap, talantyn dáleldeýi tıis. Konkýrs birneshe kezeńnen turady.
Festıvalge qatysý úshin ótinishterdi qabyldaý 2018 jyldyń 15 mamyrynda aıaqtaldy. Oǵan 420 jas nıet bildiripti. Qashyqtyqtan irikteý kezeńinde nebári 20 bala ǵana joldama alǵan.
Saltanatty keshke álemdik baıqaýlarda júldeli bolǵan ánshiler qatysady. Naqtyraq aıtar bolsaq:
Dımash Qudaıbergen (Qazaqstan) – dúnıe júzine áıgili ánshi Danelıa Tóleshova (Qazaqstan) – «Golos. Ditı» 2017 ýkraınalyq vokaldyq konkýrstyń jeńimpazy Lýıza Nurqýatova – «Vıtebskidegi Slavıan bazary» 2015 halyqaralyq festıvaliniń bas júldegeri Vlad Sytnık (Ýkraına) – «Slavıan bazary-2017» konkýrsynyń jeńimpazy Djordan Arakelıan (Armenııa) – armıan ánshisi Anastasııa Dıdýh (Ýkraına) – áýe gımnasty.Baıqaýdyń bas júldegerine 2 000 000 teńge syıaqy berilmek. Al negizgi jeńimpazdan bólek 1-oryn ıegerine 1 500 000 teńge, 2-orynǵa 750 000 teńge, al 3-orynǵa 500 000 teńge kóleminde aqshalaı syılyq tabystalady.
Budan bólek qatysýshylardyń biri álemge áıgili ánshi, «Slavıan bazary 2015», «Singer-2017» halyqaralyq konkýrstarynyń jeńimpazy, «MTV Music Awards» syılyǵynyń ıegeri – Dımash Qudaıbergenniń ataýly júldesimen marapattalady.
Al qazylar alqasynyń quramyna halyqaralyq mádenıet jáne óner qaıratkerleri endi. Olar:
Kúlparshyn Aıdarhanova - Aqtóbe qalasy ákiminiń orynbasary; Emre Iýselen – Túrkııanyń ánshisi jáne vokal oqytýshysy. Vokaldyq oryndaýshylar sholýlarynyń avtory, áıgili beıne bloger; Marat Áıtimov – Qazaqstan Respýblıkasynyń eńbek sińirgen qaıratkeri. Aqtóbe oblystyq fılarmonııasynyń solısi, A.Jubanov atyndaǵy Aqtóbe mýzykalyq kolledjiniń oqytýshysy; Vlad Sytnık – Ártis, ony Ýkraınanyń Altyn daýsy dep ataıdy. Vıtebskidegi «Slavıan bazary — 2017» jeńimpazy. 2017 jyly álemniń 30 úzdik daýysyna kirdi; Jeńis Ysqaqova – Qazaqstannyń estradalyq ánshisi, Qazaqstan Respýblıkasynyń eńbek sińirgen qaıratkeri. Máskeý qalasyndaǵy «Vıvat, Vıktorııa» halyqaralyq konkýrsynyń bas júldegeri; Nodıra Permatova (О́zbekstan) – О́zbekstan Respýblıkasynyń eńbek sińirgen ártisi.